У адрас Маскоўскай Цэнтральнай універсальнай навуковай бібліятэкі імя Н. А. Някрасава (Някрасаўкі) 4 мая быў складзены адміністрацыйны пратакол аб «прапагандзе» нетрадыцыйных сэксуальных адносін (ч. 1 ст. 6.21 КаАП). Інфармацыя пра гэтазмяшчаецца у электроннай базе Басманнага суда сталіцы.
Някрасаўка лічыцца адной з найбуйнейшых бібліятэк Расіі. У яе фондах — звыш 1 млн адзінак захоўвання больш чым на 100 мовах народаў свету, уключаючы навуковую, навукова-папулярную і мастацкую літаратуру, кнігі на замежных мовах, газеты і часопісы, рэдкія кнігі і г. д.; таксама ўстанова мае даведачна-бібліяграфічны апарат універсальнай тэматыкі. Якія менавіта прэтэнзіі ўзніклі да публічнай бібліятэкі, не ўдакладняецца. Судовае пасяджэнне пакуль не прызначана.
Паводле артыкула аб «прапагандзе ЛГБТ» для арганізацый прадугледжана сур'ёзная адказнасць аж да штрафу на суму да 1 млн рублёў або прыпынення дзейнасці да 90 сутак.
Бібліятэка імя Някрасава з'яўляецца адной з найстарэйшых публічных бібліятэк Масквы. На пляцоўцы ўстановы праводзяцца лекцыі, канцэрты, выставы і дыскусійныя клубы.
Да гэтага расійская дзяржава не раз штрафавала грамадзян і арганізацыі па адміністрацыйным артыкуле 6.21. Аналагічныя пратаколы складаліся, напрыклад, у дачыненні да відэаплатформаў — «Кінапоіска», Wink і інш.
У лютым суд у Маскве выпісаў штраф топ-менеджару Wink на суму 200 тысяч рублёў за прадастаўленне доступу да карцін з ЛГБТ-тэматыкай. Той жа сэрвіс, а таксама «Іві» і «Кінапоіск» атрымалі штраф за «прапаганду ЛГБТ» у памеры па 3 і 3,5 млн рублёў адпаведна.
0 каментарыяў
Увядзіце email — мы дашлём аднаразовы код. Без пароляў і акаўнтаў.
Код адпраўлены на
Если письмо не появилось во «Входящих» в течение нескольких минут, проверь папку «Спам», «Нежелательная почта» или «Промоакции», так как некоторые почтовые сервисы могут ошибочно помещать туда автоматические сообщения