Спіда — усё? Гей-супольнасць спрачаецца, ці варта мяняць абліпальныя плаўкі на шырокія шорты

У сацсетках разгарнулася бурная дыскусія пра будучыню пляжнай моды. Нагодай стаў вірусны допіс карыстальніка Cesar у X (былы Twitter), які «са шкадаваннем паведаміў», што плаўкі-спіда паступова выцясняюцца шортамі. Твіт набраў больш за 345 тысяч праглядаў і выклікаў як паніку, так і энтузіязм. «Doberman Media» пераказвае аргументы бакоў.

Што адбываецца?

Доўгі час плаўкі-спіда лічыліся ледзь не афіцыйнай уніформай гей-супольнасці на адпачынку. Аднак гэтым летам намеціўся зрух у бок больш свабодных фасонаў. Дызайнеры і модныя крытыкі адзначаюць, што квір-мода ў цэлым становіцца больш мехаватай: на змену кароткім шортам прыходзяць шырокія джынсы («джорты»), карга і свабодныя футболкі.

Гэты стыль ужо атрымаў назву «Heartland Drag» (што можна перакласці як «сельскі драг»). Яго сутнасць у тым, што па меры таго, як гетэрасексуальныя мужчыны пачынаюць насіць карацейшае і больш абліпальнае адзенне, геі, імкнучыся захаваць сваю контркультурную ідэнтычнасць, выбіраюць гіпермаскулінныя і грубыя вобразы.

Спіда сапраўды знікаюць?

Відавочцы з папулярных месцаў адпачынку геяў, такіх як Фаер-Айленд або Правінстаўн, сцвярджаюць, што пляжы па-ранейшаму «напханыя» мужчынамі ў спіда. У Чыкага і Мічыгане на гей-пляжах усё яшчэ часцей сустракаюцца нават мікраплаўкі (стрынгі), чым звычайныя шорты.

Аднак трэнд на натуральнасць гуляе супраць абліпальнай сінтэтыкі. У свеце «ШІ-шлаку» вяртанне да натуральнасці — напрыклад, адмова ад дэпіляцыі ў зоне бікіні — лічыцца актам праявы чалавечнасці. Але насіць экстрэмальна вузкія плаўкі з «непадстрыжаным газонам» вырашыцца не кожны: валасы могуць проста выбівацца вонкі. Шорты ў гэтым плане значна практычнейшыя.

Чаму многія ненавідзяць спіда?

Крытыкі плаўкаў адзначаюць, што яны часта дрэнна сядзяць і могуць нагадваць падгузнік, што наўрад ці дадасць камусьці прывабнасці каля басейна. Акрамя таго, яны лічацца менш камфортнымі.

У якасці альтэрнатывы прапануюцца сучасныя плавальныя шорты (не блытаць з бязмернымі бермудамі ніжэй за калені). Правільныя шорты павінны аблягаць сцёгны і падкрэсліваць фігуру, застаючыся пры гэтым больш стрыманымі.

Дык што ж выбраць?

Нягледзячы на наступ шортаў, плаўкі Speedo застаюцца самым эфектыўным спосабам прыцягнуць увагу і падкрэсліць свае вартасці. Як адзначаюць заўсёднікі пляжаў, менавіта «маленькія цесныя плаўкі» па-ранейшаму прымушаюць мінакоў азірацца.

Пакуль што трэнд на шорты здаецца хутчэй цікавым эксперыментам, чым канчатковай перамогай. Нават тыя, хто ўжо замяніў у гардэробе кароткія шорты на мехаватыя мадэлі, прызнаюцца, што іх плаўкі Speedo па-ранейшаму ляжаць на паліцы, чакаючы свайго часу.