Даследчыкі папярэджваюць пра нечаканую тэндэнцыю: мужчыны, народжаныя пасля 2000 года, усё часцей вяртаюцца да гамафобных поглядаў, якія дамінавалі ў грамадстве некалькі дзесяцігоддзяў таму. Гэтая група прыкметна выдзяляецца як на фоне папярэдніх пакаленняў, так і на фоне сваіх равесніц.
Што кажуць лічбы?
Згодна даных з апытання даследчага цэнтра Pew, мужчыны ва ўзросце 24 гадоў і маладзей значна часцей выступаюць супраць аднаполых шлюбаў і гомасэксуальнасці ў цэлым, чым мужчыны, народжаныя ў 1980–1990-х гадах.
Даследаванне Амерыканскага інстытута хлопчыкаў і мужчын (AIBM), апублікаванае у канцы 2025 года, пацвярджае гэты спад падтрымкі:
- 71% мужчын, народжаных у 2000-х, падтрымліваюць легалізацыю аднаполых шлюбаў.
- Для параўнання: сярод мужчын, народжаных у 1990-х гадах, гэты паказчык складае 77%, а сярод народжаных у 1980-х — 73%.
Што да агульнага прыняцця гомасэксуальнасці ў грамадстве, то сярод пакалення 2000-х гэты паказчык у мужчын складае 65%. Гэта на 7% менш, чым у мужчын, народжаных у 1980-х, і на 3% менш, чым у пакалення 1970-х.
Такім чынам, «зумеры»-мужчыны ў некаторых пытаннях аказваюцца больш кансерватыўнымі, чым іх бацькі.
Вялізны гендарны разрыў
Найярчэйшы кантраст назіраецца не паміж пакаленнямі, а ўнутры самога пакалення Z. Маладыя жанчыны застаюцца паслядоўнымі прыхільніцамі інклюзіўнасці: 83% жанчын ва ўзросце да 24 гадоў падтрымліваюць аднаполыя шлюбы, 82% з іх падтрымліваюць гомасексуальнасць у цэлым.
Розніца ў светапоглядзе паміж юнакамі і дзяўчатамі, народжанымі пасля 2000 года, стала самай маштабнай за ўсю гісторыю назіранняў.
Правы трансгендарных людзей — самая спрэчная тэма
Найбольш востра супярэчнасці праяўляюцца ў пытанні прызнання трансгендарных асоб. Тут разрыў паміж паламі дасягае 16%. Так, 60% маладыя жанчыны лічаць, што грамадства павінна прымаць трансгендарных людзей. Сярод маладых мужчын з гэтым згодныя толькі 44%.
Чаму гэта адбываецца?
Эксперты звязваюць такую змену ў поглядах з уплывам інфармацыйных тэхналогій. Прафесар Райан Бердж з Вашынгтонскага ўніверсітэта адзначае, што на маладых мужчын вялізны ўплыў аказваюць сацыяльныя сеткі. Менавіта там актыўна распаўсюджваецца ідэалогія крайне правых рухаў, якая знаходзіць водгук у моладзі і фарміруе новую хвалю кансерватызму.
0 каментарыяў
Увядзіце email — мы дашлём аднаразовы код. Без пароляў і акаўнтаў.
Код адпраўлены на
Если письмо не появилось во «Входящих» в течение нескольких минут, проверь папку «Спам», «Нежелательная почта» или «Промоакции», так как некоторые почтовые сервисы могут ошибочно помещать туда автоматические сообщения